MASHABIKI WA MANCHESTER UNITED KUVAA JEZI YA GRIEZMANN

Katika kile ambacho kinaonekana ni furaha au maandalizi, unaambiwa wakati msimu wa 2016/17 ukiwa unamalizika purukushani za usajili zimeanza kuongezeka.
Kuelekea na hata baada ya fainali ya Europa League kati ya Manchester United dhidi ya Ajax, mashabiki kadhaa wa United wameshaanza kuvaa jezi namba saba ikiwa na jina la Griezmann.

Straika huyo wa Atletico Madrid, Antoine Griezmann amekuwa akiwaniwa na timu hiyo na inavyoonekana anaweza kutua klabuni hapo msimu ujao, hivi karibuni alipokuwa akihojiwa katika kipindi cha runinga nchini kwao Ufaransa, alisema uwezekano wa yeye kwenda Man United ni sita katika kumi.